Околу 200 граѓани во Берлин се приклучија на протестно пливање во реката Шпреја, со желба да го свртат вниманието на властите кон укинување на долгогодишната забрана за капење. Забраната е воведена поради зголемено загадување и страв од разни болести, но учесниците тврдат дека водата сега е доволно чиста и безбедна.
Организаторите од иницијативата "Fluss Bad Berlin" нагласуваат дека квалитетот на водата пораснал значително во последните десет години. Градот и централната општина размислуваат за официјално да дозволат капење во Шпреја од 2026 година.
Како позитивен пример го наведуваат Париз, каде по години забрана, минатата година беше дозволено пливање во реката Сен. Според берлинските активисти, најголемите предизвици остануваат заштитата на културното наследство долж реката и осигурување безбедноста, особено поради густ сообраќај со бродови. Засега нивната желба е да се овозможи пливање во делови на каналот без пловен сообраќај.
© Vecer.mk, правата за текстот се на редакцијата
