Како што објавува „Мирор“, наградуваната британска туристичка агенција потврди дека престанала со работа и дека сите резервации се откажани.
Имено, корисниците на услугите на „Балкан холидејс“ сега мора да најдат алтернатива, со оглед на тоа што сите аранжмани, вклучително и летните, се откажани.
„Балкан холидејс“, кој е основана во 1966 година, во своето официјално соопштение изјави дека „жали за новосоздадената ситуација“.
- Со жалење ве известуваме дека Balkan Holidays Ltd е затворена за работа во Велика Британија од 24 април 2025 година. Клиентите кои моментално се на одмор нема да бидат засегнати од новата ситуација, изјави портпаролот на компанијата, која е специјализирана за патувања во балканскиот регион.
- Компанијата е сè уште солвентна, но престана да работи. Сите однапред резервирани празнични резервации се откажани. На сите клиенти ќе им бидат вратени парите во целост. Ве молиме за трпение додека го обработуваме враќањето на средствата и го цениме вашето разбирање. Ви благодариме за досегашната соработка и ве молиме прифатете ги нашите најискрени извинувања за разочарувањето и непријатностите, изјави компанијата.
„Балкан Холидејс“на своите клиенти им нудеше патувања во Бугарија, Хрватска, Црна Гора, Словенија, Малта и Северен Кипар.
Сите оние кои резервирале одмори на овие и други дестинации ќе добијат поврат на парите во наредните недели. Предност ќе им се даде на оние со најрани датуми на заминување, вклучително и оваа недела.
Туроператорот имаше дозвола да превезе 27.817 патници заштитени од Атол во годината до крајот на март 2026 година, а околу 130.000 туристи годишно ги користеле услугите на оваа агенција. „Балкан холидејс“ имаше поаѓања од 17 британски аеродроми во својата понуда, повеќе од кој било друг туроператор во Велика Британија.
© Vecer.mk, правата за текстот се на редакцијата
