Индија и Пакистан денеска упатија меѓусебни обвинувања за кршење на прекинот на огнот, само неколку часа откако го прогласија прекинот на огнот договорен по преговорите предводени од Соединетите Американски Држави за завршување на најсериозниот воен конфликт меѓу нуклеарно вооружените ривали во последните децении, јавија светските агенции.
Повеќе експлозии се слушнаа во два големи града во Кашмир, под контрола на Индија, неколку дена по постигнувањето на договорот.
Индискиот министер за надворешни работи, Викрам Мисри доцна синоќа изјави дека „имало повеќекратни прекршувања на договорот постигнат меѓу двете земји“ и го обвини Пакистан за кршење на договорот. Мисри рече дека индиската армија „го возвраќа ударот“ за тоа што го нарече „упад на границата“.
Пакистанското Министерство за надворешни работи ги обвини индиските сили за иницирање прекршувања на прекинот на огнот.
© Vecer.mk, правата за текстот се на редакцијата
