Портпаролот на Кремљ, Дмитриј Песков, оцени дека постојат 50 отсто шанси претседателите на Русија и САД, Владимир Путин и Доналд Трамп, да се состанат во текот на летото.
„Теоретски 50 отсто: или ќе има или нема да има средба“, изјави Песков за Спутник на маргините на Меѓународниот економски форум во Санкт Петербург.
Да потсетиме, Путин и Трамп се состанаа во август минатата година на Алјаска.
Кога станува збор за контактите со францускиот претседател, засега телефонски разговор со Емануел Макрон не е на агендата на рускиот претседател, додаде тој.
Путин, меѓутоа, е подготвен за средба и дијалог со Макрон, додаде портпаролот.
© Vecer.mk, правата за текстот се на редакцијата
