logo
logo
logo

Знамето на Косово предизвика скандал на Конгресот на УЕФА во Белград, српската федерација се извини (ВИДЕО)

Vecer | 04.04.2025

Знамето на Косово предизвика скандал на Конгресот на УЕФА во Белград, српската федерација се извини (ВИДЕО)

Фото: https://www.ffk-kosova.com/en/

Редовниот конгрес на УЕФА во Белград не помина без скандал. Настанот се случи во „Сава центар“ вчера, а причина за тензијата било учеството на Косово.

Како рамноправен член на организацијата, земјата имаше свој претставник во лицето на претседателот на фудбалската федерација, Агим Адеми. Тој се сликаше пред косовското знаме во фоајето на конгресниот центар, но тоа кај домаќините беше сфатено како провокација.

На социјалните мрежи се појави видео на кое се гледа дека навивачите на Црвена звезда го земаат знамето и го запалуваат пред зградата.

Подоцна, Фудбалскиот сојуз на Србија излезе со официјално соопштение во кое присуството на знамето на Косово го оквалификува како организациски превид и го обвини Адеми дека се обидува да ја искористи ситуацијата за нефудбалски цели.

„Им се извинуваме на сите Срби, а особено на нашите сонародници во Косово и Метохија, кои се почувствуваа повредени поради грешката на организаторите. Таа беше навремено исправена со нашата интервенција“, напишаа и српската федерација.


sportmedia.mk

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk