Вест Хем – Вулверхемптон 2:1 е епилогот од мечот од 15.коло во Премиер-лигата кој се одигра вечер на “Лондон стадионот“. На оваа победа се чини дека најмногу и се израдува тренерот Хулиен Лопетеги, кој барем засега, се спаси од отказ кој се најавуваше изминатите денови а посебно денеска во пресрет на овој натпревар.
Дури се споменуваше и Масимо Алегри како нов стратег на “чеканите“.
Кога сме кај стрелците да кажеме дека Соучек во 54.минута донесе водство на Вест Хем од 1:0. “Волците“ израмнија преку Доерти во 69.минута а Боувен во 72.минута ги постави конечните 2:1 за Вест Хем.
Секако дека оваа победа “чеканите“ му ја посветија на својот соиграч Мајкл Антонио кој во саботата тешко се повреди во сообраќајна несреќа.
