Вечерва се игра финалето во Лигата на шампионите. Се среќаваат англиските ривали Челзи и Манчестер Сити. Ова е трет случај во финале на најсилното европско клупско натпреварување да се соочат екипи од Англија.

Прв пат беше во 2008 година кога Челзи загуби на пенали 5:6 од Манчестер Јунајтед. Тоа финале се одигра во Москва кое заврши 1:1 по 120 минутна борба на теренот.

Единаесет години подоцна Ливерпул го совлада Тотенхем со 2:0 во Мадрид.

Ако Сити го совлада Челзи ќе стане шестиот различен англиски клуб кој бил крунисан за шампион на Европа после Ливерпул, Манчестер Јунајтед, Нотингем Форест, Челзи и Астон Вила.

Исто така Сити е деветтиот различен англиски клуб кој стигнал до финалето на ЛШ (порано и КЕШ). Освен гореспоменатите, финале играле уште Лидс Јунајтед, Арсенал и Тотенхем.

Последен англиски тим кој успеал да триумфира во првото финале во ЛШ (КЕШ) бил Астон Вила во 1982 година против Баерн Минхен.


sportmedia.mk