Ковид-тестовите кои ќе ги направат играчите во 14:15 часот во Фудбалската академија, ќе бидат „предвесник“ на почетокот на подготовките на Вардар.
Работите, полека, мрднуваат од „мртва точка“ во најтрофејниот клуб. После тестирањата, ќе треба да има и тренинг. Само не е познато дали ќе биде на теренот на Академијата, во Хиподром, или, пак во Кадино.
Прозивката и првиот тренинг ќе бидат под „палката“ на Никола Илиевски – Џиџи кој потврди дека од утре почнува да го води Вардар кон мисијата „опстанок“.
Време нема воопшто. После само неколку тренинзи, Вардар ќе игра дерби против Пелистер во недела, во првото пролетно коло.
sportmedia.mk
