Нам добро познато лице ќе биде главен за делењето на фудбалската правда на дуелот со Лихтенштајн. Вториот меч од мартовскиот квалификациски циклус за СП во Катар 2022 година. Тоа е Микола Балакин, човекот кој што пред две години го судеше мечот меѓу У-21 селекциите на Македонија и Казахстан во Скопје, натпревар кој се заврши со резултат 1:1. Да потсетиме тоа беше дуел од последниот квалификациски циклус на надежите на селекторот Благоја Милевски.
Се разбира дека негови помошници ќе бидат од Украина.
Кога сме кај натпреварот со Лихтенштајн, да кажеме дека тоа ќе биде првиот од квалификациите кој го играме дома. Се игра на 28 март на Арената “Тодор Проески“ во Скопје со почеток од 20:45 часот.
Прво играме со Романија во Букурешт (25 март), а потоа играме со Германија во Дуисбург (31 март).
sportmedia.mk