Словачка не успеа да издржи пред налетите на Украина и иако имаше предност од 1:0 на полувреме на дуелот од 2. коло од групата „Е“ на крајот загуби со 2:1 и не успеа да направи изненадување со евентуален пласман во осминафиналето уште по само две одиграни средби. Украинците по дебаклот од Романија во 1. коло, вечерва успеаја да се вратат од „мртвите“ и со два гола во второто полувреме да ја запишат првата победа на првенството.
Словаците одиграа одлично прво полувреме и со голот на Шранц во 17. минута обезбедија предност од 1:0. Во второто полувреме Украина ја смени играта, го зголеми притисокот и на крајот доби „џекпот“. Најпрво во 54. минута Шапаренко успеа да го совлада голманот Дубравка и да израмни на 1:1, а јаремчук кој влезе од клупата во 80. минута успеа и вторпат да го погоди словачкиот гол за пресврт и победа на Украина.
Во 3. коло Украина ќе се сретне со Белкгија, а словачка ќе бара бод против Романија за евентуално место во елиминациската фаза.
