Селекторот на англиската фудбалска репрезентација, Томас Тухел ги критикуваше англиските навивачи за нивната недоволна поддршка на вчерашниот контролен натпревар со Велс. Англичаните одиграа фантастично прво полувреме и со три брзи гола дојдоа до победата (3:0).
„Имавме ден и половина да се подготвиме за натпреварот против добро организиран тим и се покажавме многу добро. Можевме да водиме со 5-0 на полувреме. Но, ги промашивме четвртиот и петтиот гол“, изјави Тухел за мечот.
„На стадионот владееше тишина. Не добивме никаква енергија од трибините. Направивме сè што можевме за да победиме, а не добивме ништо за возврат. Ако се што можете да чуете половина час се навивачите на Велс, тоа е тажно бидејќи тимот денес заслужуваше повеќе од тие кои беа на трибините на ‘Вембли’“, рече селекторот на Англија во интервју по мечот.
