Манчестер Јунајтед сепак реши да му верува на Ерик Тен Хаг и го продолжи договорот со холандскиот стручњак, а двајца негови сонародници наскоро би можеле да му се приклучат на „Олд Трафорд“.
Англискиот клуб работи на засилувањата за новата сезона, а според последните информации Џошуа Циркзе веќе се договорил со премиерлигашот за личните услови и трансферот е многу блиску до реализација. За младиот Холанѓанец летово беа заинтересирани бројни екипи, но се поизвесно е дека Циркзе сепак ќе заврши на „Олд Трафорд“.
Покрај Циркзе во тимот би можел да дојде и неговиот соиграч од репрезентацијата Матијас Де Лихт. Стоперот не е задоволен од третманот што го добива во Баерн и решен е да ја промени средината. Де Лихт го истакна трансферот во Манчестер Јунајтед како приоритет, а клубот и играчот се договориле за условите, па останува Манчестер Јунајтед да се договори со Баерн за цената што ќе треба да ја плати како отштета.
