Манчестер Сити синоќа го совлада ПСЖ среде Париз во првиот полуфинален меч во Лигата на Шампионите со 2:1 и е пред историски пласман во првото свое клупско финале во најквалитетното клупско натпреварување во светот.
Пеп Гвардиола се чини е на чекор да им донесе на “граѓаните“ тоа што они долго време го чекаат од него, а тоа “ушлето“ на „Етихад“.
Кога сме кај рекордите на Пеп, тој синоќа ја забележа својата 34 победа во нокаут фазата во Лигата на Шампионите, навистина нестварно.
Тој е стратегот кој има убедливо најмногу победи од сите останати тренери во оваа фаза од Лигата на Шампионите.
Неговиот тренерски квалитет дојде до израз со тоа што синоќа тој направи таква тактика што не му дозволи на еден Килијан Мбапе да упати барем еден шут во рамките на голот на Едерсон. Нешто што е незамисливо за еден од најдобрите фудбалери во светот.
sportmedia.mk