Александар Таневски своето враќање во Македонија ЃП го почна со победа, и тоа против Пелистер. Триумф на “лавовите“ од 3:0, во меч кој составот на Таневски одигра квалитетно и заслужено освои големи три бода.
“Многу важни бодови за нас, сепак сеуште не можам да кажам дека битката за тоа трето место е завршена. Допрва треба да играме со Шкупи и со Шкендија. Но јас сметам дека сме на добар пат да избориме излез во Европа. Денеска одигравме квалитетно, затоа честитки за момците кои се вратија на одличен начин по оној шокантен пораз од Струга ТЛ во неделата. Се она што се договоривме пред мечот на теренот беше исполнето. Мило ми е што се вратив на клупата на Македонија ЃП со победа“ изјави за СПОРТМЕДИА старо – новиот тренер на “лавовите“ Александар Таневски.
sportmedia.mk