На „Стемфорд Бриџ“ се одигра дерби меч помеѓу Челзи и Манчестер Јунајтед и истиот донесе многу голови и пресврти. „Сините“ имаа водство од два разлика, но гостите свртија и беа пред победа за на крајот домашните со два брзи гола да победат со 4:3.
По првите 19 минути Челзи тргна фуриозно и постигна два гола. Прво погоди Галахер, а потоа Колин Палмер од пенал. Тогаш на Јунајтед му се закануваше катастрофа на „Стемфорд Бриџ“, меѓутоа се издигна и во период од 34. до 39.минута преку Гарначо и Бруно Фернандеш изедначи.
Во 67 минута Гарначо носи комплетен пресврт. И така резулатот не се менуваше се до 10-тата минута од судиското продолжение. Далот направи прекршок во казнениот простор, а судијата покажа пенал за Челзи.
Палмер одново на 11 метри и погоди. Веќе во наредната акција, фудбалерите на Челзи изведоа корнер, Палмер шутира топката удри во еден дефанзивец на Јунајтед и заврши во мрежата за конечни 4:3.
ГОЛОТ НА ПАЛМЕР ЗА 3:3 НА ОВОЈ ЛИНК
ГОЛОТ НА ПАЛМЕР ЗА 4:3 НА ОВОЈ ЛИНК
Супер кам-бек на Челзи во судиското продолжение.
Манчестер Јунајтед го запиша 12-тиот пораз и е на шестото место со 48 бодови. Челзи е на 10-тото место со 43 бода и 12 победи.
