Големото дерби на 20. коло во англиската Премиер лига заврши нерешено. На снежниот „Енфилд“, Ливерпул и Манчестер Ј. завршија 2:2, иако кој и од двата тима на крајот да победеше, немаше да биде незаслужено.
И покрај лошите услови, навивачите на стадионот на „црвените“ видоа едно востинско машко дерби со многу шанси и четири постигнати гола. Во првиот дел мрежите мируваа, но на стартот на второто полувреме, гостите први се заканија и успеаја со голот на Лисандро Мартинез во 52. минута да дојдат до водство од 0:1.
Ливерпул не чекаше премногу да возврати. Гакпо по една соло акција израмни на 1:1 во 59. минута. Домашните направија целосен пресврт во 70. минута, кога Салах погоди од белата точка, по пеналот досуден поради игра со рака на Де Лигт.
Сепак, Манчестер Ј. беше упорен, а тоа им се исплатеше во 80. минута, кога Амад Диало погоди за 2:2. До крајот Ливерпул промаши неколку чисти шанси за ново водство, а најдобрата шанса во последната минута од продолжението ја имаа гостите, кои преку Мегваер можеа да го шокираат гледалиштето, но дефанзивецот на гостите шутираше над голот.
