logo
logo
logo

Страшната Романија ја уништи Украина! (ВИДЕО)

Vecer | 17.06.2024

Страшната Романија ја уништи Украина! (ВИДЕО)

Уф, каква победа, каква игра на Романија во меч од 1.коло на ЕП во групата – Е, и тоа против Украина со 3:0. Едноставно Романците просто ја уништија селекцијата на Ребров, во тоа им помогна и очајниот голман на Реал, Андриј Лунин на кого едноставно не му беше денот.

Посебно тука мислиме на првиот гол на Романците во таа 29.минута кога Лунин ја дегажираше таа топка до Ман, овој му ја подаде топката на Станчу кој постигна фантастичен гол за 1:0 за Романија.

Во 53.минута Марин постигна исто така ефектен гол, и за тој Лунин се чини дека беше виновникот, мораше подобро да реагира иако таа топка беше доста силна.

Но тоане беше се од одличните Романци кои во 57.минута стрелаше за 3:0 и тоа со голот на Драгушин за еуфорија на трибините каде беа фановите на Романија.

Украина не беше на своето ниво. Премногу индивидуални потези, посебно на Мудрик, тактички незрело играа Украинците, и тоа во многу им помогна на Романците да дојдат до сензационални 3:0.

Да, имаа Романците и среќа, посебно во 77.минута кога Судаков шутираше а Ница го спаси својот гол. Така беше и во неколку претходни акции, но сепак среќата требаше и да се заслужи.

Инаку ова беше меч од групата – Е, во која се и селекциите на Белгија и Словачка, а со оваа висока победа селекцијата на Романија со една нога веќе е во осминафиналето.

За крај, звучи неверојатно, но така е. Ова за Романија е втората победа во историјата на Европските првенства.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk