Фудбалерите на Вулверхемптон ја совладаа екипата на Ливерпул со 2:1 во вечерашниот натпревар од Премиер Лигата. Ова е само третиот триумф за „волците“ оваа сезона, но втор во низа по победата против Астон Вила.
Ливерпул во текот на целиот натпревар беше поконкретен и создаваше многу шанси, но домашните одлично се бранеа и ги одбиваа нападите на актуелниот шампион. Во 78-та минута Гомеш донесе водство за домашните, но само 5 минути подоцна Салах го изедначи резултатот и најави неизвесна завршница. Во последните 10 минути Ливерпул тргна на се или ништо и прими несреќен погодок во 94-тата минута преку Андре.
Со оваа победа Вулвс ја продолжува борбата за осптанок и во моментов има 16 бода, а Ливерпул се наоѓа на 5-тото место и има 48 бодови.
Во останатите натпревари кои се одиграа вечерва Бормут и Брентфорд ремизираа без голови, Евертон го совлада Барнли со 0:2 и Лидс загуби на свој терен против екипата на Сандерленд со 0:1.
