Една катастрофална реакција на голманот на Арсенал, Лено, го реши победникот на воведниот меч од новото коло во англиската Премиер лига.
Фудбалерите на Евертон однесоа голема победа од 1:0 од гостувањето во Лондон против Арсенал, во меч во кој и двата тима повеќе внимаваа на својот, отколку што се обидуваа да го погодат противничкиот гол.
Така дојде и до постигнување на решавачкиот гол во 76. минута. Ришарлисон успеа да се пробие по десната страна, влезе во противничкиот шеснаесетник и од тешка позиција се обиде да бие, го измами голманот Лено, кој со една почетничка реакција дозволи топката низ раце да му помине и да заврши во мрежата.
sportmedia.mk