Тренерот на Ливерпул, Арне Слот, зборуваше за иднината на Вирџил ван Дијк во клубот. Договорот на 34-годишниот дефанзивец со Ливерпул истекува во летото 2027 година, но според Холанѓанецот, тој не стравува за негово напуштање на „Енфилд“.
„Никогаш ништо не правиме во паника; сè се базира на долгорочни идеи или на нешто што долго време е во главите не само на една личност, туку на неколку луѓе. Секако, свесни сме дека Вирџил нема да остане во клубот уште 10 години, но сè уште има уште година и пол од договорот, така што ќе остане со нас дотогаш, а можеби и подолго“, вели Слот.
