И тоа каков скандал на пријателскиот меч меѓу Лугано и Плзен, кој на крајот заврши со резултат 2:4. На тој меч за швајцарскиот тим играше и нашиот репрезентативец Џани Алиоски кој во живо присуствуваше на скандалозна тепачка на двајца свои соиграчи.
Главен актер беше Кевин Беренс, напаѓачот на швајцарскиот клуб, кој во еден момент физички го нападнал сопствениот соиграч Георгиос Куцијас. Видеото што кружи на социјалните мрежи јасно покажува момент на целосно отсуство на контрола. Беренс, видливо вознемирен, агресивно се упатил кон Куцијас, го зграпчил и го турнал, а ситуацијата лесно можела да ескалира во посериозен инцидент доколку другите играчи не реагирале. Сè се случило на средина од натпреварот, пред соиграчите, тренерскиот штаб и мал број гледачи. Според впечатокот што се добива од гледањето на видеото, повод за таков испад била реакцијата на Куцијас во играта, односно отсуството на навремен прес. Беренс очигледно очекувал поагресивна одбранбена реакција, а фрустрацијата поради пасивноста на неговиот помлад соиграч се претворила во сосема несоодветна физичка пресметка.
In a friendly between FC Lugano and Viktoria Plzeň today, striker Kevin Behrens attacked teammate Giorgos Koutsias and pushed him to the ground…
It is reported he shouted “You little freak, be quiet” to his teammate. pic.twitter.com/uYeZfbOiKC
— george (@StokeyyG2) January 9, 2026
