logo
logo
logo

Шведска си поигруваше со индиспонираната Полска!

Vecer | 21.01.2022

Шведска си поигруваше со индиспонираната Полска!

Во еден од најнеинтересните мечеви во досегашниот дел од ЕП, Шведска со 28:18 (14:6), успеа да ја победи Полска. Велиме најнеинтересните ако се знае дека Полска речиси да не одигра ништо, ама буквално ништо. Полјаците правеа несфатливи грешки, не можеа да го погодат голот од идеални позиции. Едноставно беа катастрофа. Фактот дека во првиот дел постигнаа само 6 голови говори сам по себе.

На другата страна Шведска иако не блескаше, иако тешко е да се играат вакви мечеви ако се знае дека противникот се предал уште пред да започне мечот, ги искористи сите можни грешки на противникот. Швеѓаните од минута во минута, и тоа без никаков напор ја билдаше гол разликата која на крајот изнесуваше десет голови.

Треба да се каже дека во последните минути Шведска како да се опушти, инаку катастрофата на Полска ќе беше уште поголема.

Со овој пораз Полска и дефинитивно ги загуби шансите за висок пласман, додека Шведска во групата – 2, сега има две победи и останува во игра за тоа второ место во групата и пласман во полуфиналето.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk