Каков шокантен меч за Барселона вечерва во Виго кај Селта? Лидерот во Ла Лига, таа страшна Барса до 84.минута имаше сигурно водство од 0:2, но тогаш невиден шокантен развој на настаните и тимот на Ханси Флик освои само бод, и тоа едвај. Мечот заврши 2:2.
Рафиња во 15.минута донесе водство од 0:1. Кога Левандовски стрелаше за 0:2 во 61.минута, сите помислија дека тоа е тоа.
Сепак, не беше така. Во 82.минута Касадо доби втор жолт, односно црвен картон и Барса остана со играч помалку.
Тоа Селта и тоа како го искористи и во 84. и 86.минута со головите на Гонзалез и Алварез успеа да израмни на 2:2. Во последните секунди од мечот Рафиња не успеа да се снајде и пропушти да донесе победа за гостите.
Да кажеме дека на оваа средба не играше Јамал кај Барса поради повреда.
Сега тимот на Ханси Флик има +5 бода во однос на Атлетико Мадрид и +7 бода од Реал Мадрид, но “кралевите“ имаат два меча помалку.
