И дефинитивно познат е планот на Шкендија во однос на пријателските средби во пресрет на настапот во Европа, поточно во квалификациите во Лигата на Шампионите.

На 15 јуни ќе се чекаат вестите од Нион, кога ќе биде одржана ждрепката за 1.квалификациско коло во Лигата на Шампионите. Следниот ден во Приштина, нашиот шампион ќе го има првиот летен тест, и тоа со истоимениот косовски клуб.

На 21 јуни во Скопје, во пријателски меч Шкендија се среќава со Шкупи. Четири дена подоцна во Охрид, момците на стратегот Ернест Ѓока ќе ги одмерат силите со албанскиот тим Љачи, додека за крај, на 29 јуни во Банско, Шкендија ќе одигра пријателска со ЦСКА Софија 1948.

sportmedia.mk