Украинскиот Шахтјор Доњецк не успеа да ја освои шампионската титула во Украина, па тоа беше знак дека тренерот Луис Кастро мора да си оди по завршување на сезоната. Според информациите од Италија, клубот од Доњецк му понудил тригодишен договор на Роберто Де Зерби, стратегот на Сасуоло, вреден 10 милиони евра. Тоа значи дека за италијанскиот стратег се спремени по три милиони евра по сезона.

Доколку Де Зерби дојде во Шахтјор, во украинскиот гигант би можел да ги поведе двајцата играчи на Сасуоло Жереми Бога и Филип Ѓуричиќ. Сепак, нивната цена е висока. За Бога Сасуоло бара 22 милиони евра, а за српскиот фудбалер околу 10 милиони евра.

sportmedia.mk