Дали на повидок е крај на сите проблеми за Бордо, култниот француски клуб и еден од најголемите во таа земја кој во последно време е во агонија?
Имено како што пренесуваат медиумите во Германија и Франција, Оливер Кан, германската голманска легенда, во свое време секако најдобар голман во светот, преку свои посредници искажал желба да го купи Бордо.
Клубот во моментов се наоѓа во четврта лига, а во блиска иднина не се надзира решавање на проблемите. Секако дека доаѓање на чело на едно такво име, па макар тој бил и Германец, секако е одличен маркетиншки потег.
Сепак сега на потег е сегашното раководство на клубот кое едноставно не може само да го врати Бордо таму каде што му е местото, при врвот на францускиот фудбал.
Со ова продолжува трендот некогашни познати фудбалски имиња да купуваат фудбалски клубови. Дејвид Бекам е еден од сопствениците на Интер Мајами, Бразилецот Роналдо е газда на Ваљадолид, Златан Ибрахимовиќ е косопственик на Хамарби…
