Салата „Борис Трајковски“ ќе биде центар за вакцинација за Ковид-19. Според најавите на министерот за здравство, Венко Филипче, токму овој спортски центар ќе биде искористен за таа намена.
Засега не е познат датумот кога салата ќе биде затворена за спортски активности, најверојатно тоа ќе се случи веднаш штом во нашата земја стигне поголема доза на вакцини за Ковид-19. Првите најави се кон средината на април, но…
Во СЦ „Борис Трајковски“ најмногу се играат мечеви од меѓународен карактер, двете ракометни репрезентации (машката и женската) се домаќини токму во оваа сала.
Први кои ќе мораат да бараат решение доколку навистина во нашата земја стигне поголема доза на вакцини се нашите дами, тие на 16/17 април на гости го играат првиот квалификациски меч против Романија за место на СП во Шпанија 2021, реваншот во Скопје се игра на 20/21 април.
Кон крајот на април (28), Кирил Лазаров и соиграчите гостуваат на Финска, по пто на домашен терен (2. мај) ја пречекуваат Швајцарија во последниот квалифицкациски меч за ЕП 2021 година.
sportmedia.mk