Селекторот на Англија, Герет Саутгејт се радуваше по успехот над Швајцарија во четврт-финалето на ЕП 2024. „Трите лава“ мораа повторно да направат пресврт, па на крајот победија на пенали. Сепак, тренерот смета дека ова е најдобриот натпревар на неговиот тим на турнирот.
„Играчите се брилијантни. Тоа беше нашата најдобра игра. Им направивме многу проблеми. Тие се прилично добар тим кој тешко се притиска и тешко се запира во дефанзива. Тие одлично го движат теренот. Повторно се вративме од негатива што покажува одличен карактер и издржливост. А за да победите на турнир не треба само да играте добро, туку да ги покажете тие квалитети“, рече Саутгејт.
„Мислам дека игравме добро во текот на целиот натпревар. Моравме да бидеме цврсти без топка и да покажеме сериозна дисциплина. Со Букајо во тимот знаевме дека имаме предност во нападот и продолживме да притискаме. Не е секогаш доволно да се игра добро, понекогаш само треба да се најде начин да се победи, како што направи Шпанија против Германија“, додаде тренерот.
Тој ги коментираше и пеналите кои го решија исходот на натпреварот.
„Досега имавме добар успех во пенали и веќе третпат победуваме. Бевме распнати за нашиот единствен пораз (т.е. – во финалето на ЕП 2020). Имаме се повеќе играчи кои се редовни изведувачи на пенали во нивните тимови, и повеќе кои веќе шутирале пенали на слични турнири, сепак, важно е сите да покажат стабилност за да постигнеме гол, а потоа имаме голман кој секогаш одбранува барем еден пенал и ни дава шанса“, вели англискиот селектор.
