Лестер освои само бод на гостувањето кај Саутемптон (1:1), иако домашните најголемиот дел од мечот го одиграа со играч помалку на теренот.
Со голот од пенал на Ворд-Праус во 61. минута, екипата на Саутемптон успеа и да поведе со 1:0, но радоста краеше кратко, бидејќи само седум минути подоцна гостите преку Џони Еванс успеаја да возвратат за 1:1.
До крајот на мечот Лестер имаше објективно повеќе и од играта и од шансите, но не успеа да дојде до гол за победа. Ова е првото реми за „лисиците“ по серија од 10 последователни меча на кои или победуваа или губеа.
sportmedia.mk
