Францускиот второлигаш Шатору официјално има нов сопственик. Тоа е групацијата Абдула Бин Мосад Јунајтед груп, на истоимениот принц од Саудиска Арабија која најави големи промени и голема иднина на овој клуб од централна Франција.
Шатору моментално е при дното во француската Лига 2 со осум бодови оддалеченост од сигурната зона.
Оваа групација исто така е во Шефилд Јунајтед, Бершот во Белгија, Ал Хилал (ОАЕ) и Керала Јунајтед од Индија. Нивните први чекори се поставувањето на Мишел Денисо за нов претседател.
На тренерската позиција е назначен Марко Симоне, поранешниот италијански голгетер и кој досега работеше како тренер на клубови од Мароко. Ова воедно е обединување на Денисо со Симоне. Во 90-тите години Денисо како претседател на ПСЖ го донесе Симоне на „Паркот на принцовите“. Симоне доаѓа на местото на Беноа Кое кој доби отказ.
Симоне нема добро тренерско искуство: Работеше во Монако 250 дена, потоа во Лозана 162 дена, Клуб Африкан 131 ден, Шабаб 110 дена…
Назначен е и нов тренер на голманите, тоа е поранешниот голман на Марсеј Стефан Порато.
sportmedia.mk