На местото на Андре Виљаш Боаш, за нов тренер на тимот на Олимпик Марсеј е поставен Хорхе Сампаоли. Аргентинецот досега беше на клупата на Атлетико Минеиро, и за тоа овој клуб ќе добие отштета од 650.000 долари.

“Кога ја добив понудата, не се двоумев за момент да ја прифатам. Во светот има тивки места и бучни. Ми се допаѓа ова последново. Марсеј е вистинска страст за луѓето. Сонувам да ги направам среќни и да славам заедно во градот “, рече Сампаоли.

ОМ има и нов претседател на Управниот одбор во лицето на Пабло Лонгорија. Досега тој беше спортски директор на клубот.

„Се подготвувам за овој момент од првиот ден кога влегов во фудбалот“, рече Лонгорија.

sportmedia.mk