Реванш натпреварот од осминафиналето во Лигата на шампионите меѓу Манчестер Сити и Борусија Менхенгладбах ќе се одигра на 16 март на Арената Пушкаш во Будимпешта, соопшти Европската куќа на фудбалот (УЕФА).

Поради ограничувањата за патување од Велика Британија во Германија и обратно, натпреварот мораше да се премести на неутрален терен. И првиот натпревар од осминафиналето меѓу овие екипи се одигра во Будимпешта на 24 февруари, а Сити победи со 2:0.

„УЕФА им се заблагодарува на Манчестер Сити и Борусија Менхенгладбах за поддршката и соработката, како и на Унгарската фудбалска федерација за помошта во договорот за локацијата каде ќе се одржи натпреварот“, објави УЕФА.

sportmedia.mk