Реал Мадрид ќе им оддаде почит на жртвите од поплавите во регионот на Валенсија за време на натпреварот против Милан вечерва во Лигата на шампионите, пренесува „Марка“.
Знамето на регионот Валенсија ќе биде подигнато на трибините на стадионот „Сантијаго Бернабеу“ во спомен на сите загинати.
Реал Мадрид веќе донираше 1 милион евра за настраданите од ураганот ДАНА. Клубот викендов требаше да гостува во Валенсија , но поради елементарната непогода натпреварот беше одложен.
