Работнички на првиот меч во Златибор ќе ја „брка“ четвртата победа во АБА 2-лига. Димитар Мираковски и неговите момци ќе имаат тешка задача, играат против Борац Бања Лука, кој се наоѓа на третото место на табелата.
Најтрофејниот кошаркарски колектив ќе се бори за опстанок во второлигашкото јадранско натпреварување, откако поради пандемијата коронавирус прескокна еден турнир, па сега се наоѓа на претпоследната позиција на табелата со скор од три победи и седум порази.
Во Златибор, Работнички отпатува без капитенот Кирил Николовски, но и серија од три порази во домашното првенство и АБА 2-лига. Нема да биде лесно, но македонскиот претставник има доволно сили да одигра еден добар меч и да направи чекор напред, да излезе надвор од опасната зона.
Натпреварот меѓу Работнички и Борац е закажан со почеток во 20 часот.
sportmedia.mk
