Foto> Twitter
Бекот Ашраф Хакими може да биде првиот фудбалер што ќе го напушти Интер во текот на летото. За овој марокански репрезентативец интерес пројави Пари Сен Жермен кој спремил 60 милиони евра за него, но се уште не е постигнат договор, пренесува „Газета дело Спорт“.
Иако игра како десен бек, Ашраф има импресивен ефект сезонава. На 37 натпревари постигна седум голови и запиша осум асистенции. Некогашниот фудбалер на Реал одлично се снајде во Интер, па затоа е интересен и за други гиганти на европскиот фудбал.
ПСЖ ќе менува нешто во својот тим, па Хакими е една од опциите за засилување на десната бековска линија. Кога сме кај ПСЖ да кажеме и дека Алесандро Флоренци ќе го напушти „Паркот на принцовите“ и ќе се врати во Рома.
А Интер откако остана без Конте и го чека новиот тренер, може да остане и без уште неколку фудбалери.
sportmedia.mk
