Очекувано. Со оглед на тоа дека нашата најдобра репрезентација, како и останатите во светот, освен во Африка, немаше официјални натпревари, проекциите велат дека нема да има промени на ФИФА листата за нас. Пред утрешното објавување на оваа листа за месец февруари, проекцијата е дека Македонија ќе остане на тоа “зацементирано“ 65. место. Место на кое сме веќе неколку месеци. Се разбира дека промени, односно раздвижување на ФИФА листата ќе има следниот месец, во март, за кога е закажан стартот на квалификациите за СП во Катар 2022 година.
Ете шанса за Македонија да се искачи некое место погоре на ФИФА листата.
sportmedia.mk