Селекторот на полската репрезентација Михал Пробиец ќе продолжи да работи со националниот тим и покрај тоа што Полјаците предвреме ги загубија шансите за влез во плејофот на ЕП 2024 година.
Во двата воведни натпревари на Евро-2024, Полска загуби од Холандија (1:2) и Австрија (1:3). Полјаците денеска ќе го завршат настапот на турнирот во Германија со мечот против Франција. На денот на натпреварот, полскиот фудбалски сојуз (ПЗПН) објави дека Пробиец останува селектор.
„На претпладневниот состанок со тимот и стручниот штаб, претседателот на федерацијата, Чезариј Кулеша, ја изрази својата целосна поддршка и воедно најави дека Михал Пробиец ќе остане селектор на полската репрезентација“, се вели во соопштението.
