Искусниот кошаркар ЛаМаркус Олдриџ, пред две седмици потпиша договор со Бруклин Нетс, а денеска соопшти дека става крај на кариерата.
Овој 35-годишен играч требаше да биде големо засилување за Нетси, кои прават тим за титула. Меѓутоа тука завршува бајката за Олдриџ.
Олдриџ на социјалните мрежи потврди дека ја завршува кариерата и дека бил приморен да ја раскине соработката.
„Денеска со тешко срце го пишувам ова. Последниот меч кој го одиграв, имав проблем со неправилното работење на срцето. Подоцна ситуацијата се влоши и навистина без загрижен. Следното утро и соопштив на екипата, ме одведоа во болница. Иако се чувствувам подобро, сепак, таа ноќе нема никогаш да ја заборавам. Затоа ја донесов оваа тешка одлука“, рече Олдриџ.
sportmedia.mk
