Познатиот шпански клуб го допре дното...

Пред десетina години Малага беше на врвот на својата слава, имаше бројни ѕвезди во тимот, играше во Лигата на шампионите и правеше чуда во Шпанија, а сега едвај врзува крај со крај.

Во 2013 година, УЕФА ја казни Малага поради кршење на финансискиот фер-плеј, а шпанскиот клуб беше исфрлен од европските натпреварувања. После тоа, имаше голем пад. Од година во година клубот бележеше сè полоши резултати, а во 2018 година испадна од Ла Лига и никогаш не се врати во елитaта.

Минатата година, клубот од Андалузија ја напушти Ла Лига 2 за прв пат по 1998 година.

Колку е тешка ситуацијата најдобро опишува сцената што се виде по победата над вториот тим на Атлетико (1:0).

Имено, по натпреварот еден од навивачите побарал дрес од Дани Лоренцо, но младиот фудбалер не можел да му го даде. <b><i>Го продал за 50 евра!</i></b>

Клубот им забрани на играчите да подаруваат дресови, па доколку го сторат тоа, должни се сами да платат за нов, или ќе им биде одбиено од платата.

Малага моментално е четврта во лигата и најверојатно ќе се соочи со плеј-оф за враќање во Ла Лига 2.

Познатиот клуб го допре ДНОТО: Играа ТОП, имаа ЅВЕЗДИ, сега на навивачите им земаат по 50 ЕВРА за дрес