ЕСПН објави листа на 10-те најдобри летни трансфери во англиската Премиер лига за сезоната 2025/2026. Трансферот на Гранит Џака од Баер Леверкузен во Сандерленд, според рангирањето, е најдобриот трансфер потег кој некој англиски клуб го направи ова лето, гледано според игрите и постигнувањата на новите засилувања.
Гранит Џака дојде кај „црните мачки“ од Баер за 15+5 милиони евра. Играчот досега постигна 1+5 гола и асистенции во 18 натпревари. Во Топ 10 изборот на ЕСПН се најдоа и:
Нони Мадуеке – од Челзи во Арсенал за 58 милиони евра, 3+0 во 14 натпревари.
Адриен Труфер – од Рен во Борнмут за 17 милиони евра. 0+1 во 19 натпревари.
Робин Руфс – од НЕЦ Нијмеген во Сандерленд за 10,5 милиони евра. 18 настапи, шест натпревари без примен гол.
Ник Волтемаде – од Штутгарт во Њукасл за 85+5 милиони евра. 9+1 во 26 натпревари.
Сене Ламенс – од Антверпен во Манчестер Јунајтед за 21 милион евра. 13 натпревари, два натпревари без примен гол.
Кирнан Дјусбери-Хол – од Челзи во Евертон за 28,7 милиони евра. 4+2 во 16 натпревари.
Микаел Кајод – од Фиорентина во Брентфорд на позајмица со опција за откуп за 16 милиони евра. 0+0 во 18 натпревари.
Доминик Калверт-Луин како слободен агент во Лидс. 8+0 во 17 натпревари.
Џордан Хендерсон како слободен агент во Брентфорд. 1+3 во 17 натпревари.
