МЗТ Скопје и Работнички денеска ги играат последните натпревари од регуларниот дел од сезоната во АБА 2-лига, домаќин на последниот турнир е Златибор.
Тимот од Аеродром во 13 часот ќе ги одмери силите со домаќинот на „балонот“. Избраниците на Дарко Радуловиќ во минатото коло го заверија пласманот во плеј-офот, останува само да потврди на која позиција ќе го заврши овој дел од АБА 2-лига. МЗТ Скопје има 17 бода, еден повеќе од противникот.
Работнички пак е на претпоследната позиција на табелата, со победа теоретски може да го избегне плеј-аутот, но прво мора да го добие дуелот со Слобода Ужице, кој има 18 бода, еден повеќе од македонскиот претставник. Мечот е закажан со почеток во 17 часот.
ФОТО: АБА 2-ЛИГА/Драгана Стјепановиќ
sportmedia.mk