Македонската кошаркарска репрезентација на полувремето против Русија има негатива од 33-51. Овој резултат не им оди во прилог на „црвено-жолтите“ во битката за место на ЕП 2022 година, ако се земе во предвид дека Естонија ја победи Италија.
Избраниците на Александар Тодоров добро го почнаа мечот, со серија од 7-0 поведоа со 9-5 во 4:30 минута, потоа со две тројки на Војдан одржуваа позитива од два поени. На спортивната страна, Русија носена на крилата на Боломбој фати ритам. Поведе со 19-15 и 21-26.
Русите на застанаа, на стартот на втората четвртина дојдоа на плус девет (21-30, веќе во 14. минута Македонија имаше двоцифрена негатива 27-37. Не одеше ништо во нашиот состав, противникот ја користеше секоја наша грешка, беше 29-47 во 18. минута.
Најдобриот кошаркар од дуелот со Италија, Ненад Димитријевиќ првите поени ги постигна кон крајот на полувремето. Војдан Стојановски со 10 поени е прв стрелец, Вајли има два помалку, Трајковски е стрелец на седум поени.
sportmedia.mk
