Некогаш еден од најдобрите фудбалери на светот, Пол Погба во дресот на Монако ќе се обиде да ја рестартира својата одамна „полу мртва“ кариера. Французинот одлежуваше подол период суспензија поради допинг, па откако истата веќе не е важечка тој ќе се обиде повторно да игра фудбал на највисоко можно ниво.
Монако се одлучи да му даде шанса на некогашниот играч на Манчестер Јунајтед и Јувентус, а тој секако со задоволство истата ја прифаќа.
Денеска Погба веќе пристигна во клубот и по лекарските прегледи ќе потпише договор до 2027 година.
