И дефинитивно нема крај на проблемите со повредите во Арсенал. Фудбалерите на Арсенал се лидери и во Премиер лигата и во Лигата на шампионите, но Микел Артета е загрижен, и тоа како.
Манчестер Сити и Астон Вила им дишат во врат, а има бројни проблеми со персоналот за време на зафатениот празничен период. Стоперот Габриел и Кристијан Москера беа повредени претходно, а сега им се придружи и Бен Вајт. Тој се здоби со повреда на задната ложа и ќе биде надвор од теренот четири до пет недели.
Бен Вајт беше повреден долго време, потоа поради десеткуваната одбрана беше фрлен во оган и му се повреди мускулот, па сега Артета повторно мора да менува. Вилијам Салиба е исто така во проблеми, Шпанецот јавно призна по тесната победа над Вулверхемптон дека ризикувал со него бидејќи немал многу решенија.
Практично, ако го исклучиме Салиба, кој не е фит, Артета има само четири дефанзивци на располагање, имено – Тимбер, Инкапје, Калафиори и Луис-Скели.
До крајот на годината, Арсенал ќе одигра дури четири натпревари, три во Премиер лигата против Евертон на „Гудисон“, и ќе биде домаќин на Брајтон и Астон Вила, а помеѓу нив Кристал Палас ќе дојде на „Емирати“ во Лига купот. Бен Вајт ќе ги пропушти сите тие натпревари, но и против Ливерпул, Борнмут и Портсмут (ФА куп) на почетокот на 2026 година.
Арсенал гостува кај Евертон во сабота во 21:00 часот, а потоа три дена подоцна се соочува со Палас во Лига купот.
sportmedia.mk
© Vecer.mk, правата за текстот се на редакцијата
