Флорентино Перез е крајно лут откако Винисиус Жуниор не ја освои Златната топка – наградата за најдобар фудбалер во светот. Првиот човек на кралскиот клуб смета дека Реал е жртва на заговор меѓу УЕФА и Франс Фудбал и дека Вини бил „ограбен“ во изборот.
Но, новинарите од целиот свет, кои гласаа за изборот на најдобрите, јасно велат дека Вини не е нивен избор поради неговото однесување на теренот.
“Го избрав Родри поради неговиот квалитет и фер-плеј. Тој нема социјална мрежа, има завршено високо образование, скромен е. Во денешниот свет младите гледаат само клипови од спектакуларните акции на Винисиус. Родри игра фудбал 90 минути. “ изјави полскиот новинар Мачеј Ивански.
Без разлика на сличните коментари, Перез е бесен. Тој е убеден дека неговиот клуб е жртва на завера, па реши да влезе уште посилен во следната сезона за да ја збрише конкуренцијата.
Многу се зборува за доведување на Трент Александер-Арнолд, и уште едно засилување на стоперската позиција. Тоа не е се, бидејќи газдата на Реал планира дополнителни инвестиции.
Дуото од Германија би можело да стане жители на Мадрид. Алфонсо Дејвис од Баерн ќе ја засили левата страна на одбраната, а член на кралевите би требало да стане и 16-годишниот Ленарт Карл.
Станува збор за исклучително талентиран млад фудбалер. Тој беше споредуван со Тони Крос и Реал Мадрид покажа сериозен интерес за него.
Карл настапува за младинските селекции на Баерн, има договор до 2026 година и шпанскиот шампион ќе мора да му плати одредено обештетување на гигантот од Минхен.
Интерес за овој фудбалер покажува и Ајакс. Сепак, поканата на Реал е нешто сосема друго, го гледа наследникот на Крос, а се верува дека наскоро овој млад човек би можел да биде првокласен сениорски играч.
Перез се обидува да го претвори Реал во непобедлива машина. Во клубот има многу млади ѕвезди и пред нив е голема иднина.
Сепак, нешто не е во ред оваа сезона. Избраниците на Карло Анчелоти играат послабо од очекувањата, иако во тимот е додаден Килијан Мбапе.
Има многумина кои сметаат дека причина за ова е заминувањето на Тони Крос. Тој беше срцето и душата на Реал Мадрид и дефинитивно е незаменлив.
