И дефинитивно оваа 2024/25 на Манчестер Сити и тоа како не му оди. Јасно е дека повредите се клучни за очајните игри и резултати на тимот на Пеп Гвардиола, но се чини дека е круцијално тоа што го нема Родри. Тој е главниот играч на Сити и без него едноставно не се може.
Тоа го признава и самиот Гвардиола, кој направи споредба со Џордан и Чикако Булс по ерата на Мајкл Џордан:
“Тоа е проблемот. И јас и Родри знаевме дека вака ќе биде. Видете, ние оваа сезона играме без најдобриот играч во Премиер-лигата, без освојувачот на „Златната топка“. Ќе ми кажете ли колку титули освоија Чикаго Булс откако Мајкл Џордан се пензионираше?“.
Секоја чест за Родри и за Пеп, ама играчот за врска на Сити да го споредуваш со еден Џордан, со најголемиот кошаркар во историјата и со најголемиот спортист во историјата, секако дека е премногу.
