Џовани Леони од денеска и официјално е ново дефанзивно засилување за Ливерпул. „Црвените“ потпишаа со 18-годишниот дефанзивец на Парма за 35 милиони евра, со договор кој ќе биде со важност до 2031 година. Леони ќе го носи дресот со број 15 во новата сезона на „црвените“.
Минатата сезона, Леони одигра 17 натпревари во Серија А за Парма и постигна еден гол. По потпишувањето на договорот, Леони откри дека негов идол е сега новиот соиграч во Ливерпул, Ван Дајк.
„За мене, тој е најдобриот дефанзивец во светот. Сакам да се сретнам со него што е можно поскоро“, изјави Леони.
