Навивачите во норвешка продолжија со сериозни протести против ВАР системот, па вчера го прекинаа натпреварот од националното првенство меѓу Розенборг и Лилестром.
На стадионот Леркендал во рамките на 15. коло од националниот шампионат, мечот беше прекинат на самиот почеток. Само две минути по стартот на натпреварот, домашните навивачи почнаа да фрлаат предмети на теренот, по што судијата Рохит Саги го прекина натпреварот и ги испрати играчите во соблекувалните.
Седум минути подоцна натпреварот продолжи, но повторно само четири минути подоцна, гостинските навивачи почнаа да фрлаат тениски топчиња и димни бомби на теренот. Ова доведе до нов прекин, по што натпреварот беше продолжен и прекинат уште двапати. И покрај предупредувањата, навивачите продолжија со протестите. Како резултат на тоа, судијата реши мечот да не се одигра.
Норвешките навивачи сериозно протестираат против употребата на ВАР во нивното првенство затоа што сметаат дека овој систем ја убива играта.
Rosenborg vs Lillestrøm @kjernencom @jonas_sundet pic.twitter.com/fqoDt5J3vt
— ESP1 (@SPURSY80) July 21, 2024
