Тренерот на Виљареал, Унаи Емери влезе во историјата на европските клупски турнири откако ја предводеше „жолтата подморница“ до финалето на Лигата на Европа. Ова стана факт откако неговиот тим го елиминира Арсенал во полуфиналето.
Така, 49-годишниот Шпанец стана првиот тренер кој стигнал до пет финалиња на едно од континенталните натпреварувања на УЕФА.
По четири финалиња во ЛШ има сер Алекс Фергусон, Карло Анчелоти и Марчело Липи.
Емери три пати ја освојуваше Лигата на Европа во својата кариера и тоа со Севиља од 2014 до 2016 година. Со Арсенал стигна до финалето на Лига Европа во 2019 година но загуби од Челзи. Сега му успеа и со Виљареал.
sportmedia.mk
