Драган Раца (60) е новиот тренер на кинескиот тим Вухан Дангдаи. И ништо необично или важно за нас, ако се знае дека станува збор за српски тренер.
Но, сепак, Раца е некогашен селектор на македонската кошаркарска селекција, а уште повеќе, барем според пишувањето на порталот Н1, тој ќе биде најплатениот тренер во светот, надвор од НБА.
Со ова се пофали неговиот менаџер Миња Илиќ, кој на својот Твитер профил посочи дека Раца потпишал тригодишен договор со кинескиот тим и дека ќе најплатениот тренер во светот, надвор од НБА. Сепак не ја спомена висина на договорот.
Инаку Раца, покрај тоа што во 2016 година беше назначен за селектор на Македонија, во својата долгогодишна кариера беше тренер на АЕЛ Лимасол, во повеќе клубови во Кина, а беше селектор и на репрезентациите на Либан и Кипар.
sportmedia.mk
